Ang EB of the century (or, ang pinakamahal na tokwa sa balat ng lupa)

So after how many years e nagka ayusan din ng schedule ang mga bisi-bisihan kong dating kaklase sa finishing school..

since nung oktubre pa plano magkita-kita na hindi naganap..double double bertdey celebration (2 from october at 2 from november) na ito ng mga october at november celebrants..at since november celebrant ako, pinangako ko na maglalaglag ako ng P500.oo por dis eport.

ang unang plano na pagtatagpuan e sa TABU's bar kasi ito daw e tambayan ng mga brazilian model pag thursday night..o sha..kahit tubig na lang ang inumin namin, mabubusog naman siguro ang mga mata namin sa sights ng mga models from brazil..e kaso yung isang kaklase namin na si C, (na by the way e PARTNER sa ACCra, remember this info at relevant ito later) e nagsabi na di sya pwede ng thursday kaya sa Friday na lang daw. e kaso, wala naman brazilian model pag friday night sa tabu kaya sa Jaymi's Grill along pasay road kami napadpad..magpapakabusog na lang kami sa fud at hindi na sa sight...

konti lang ang napicturan ko kasi ang bibilis ng mga tinidor nila...

pancit canton, syempre meron nag bertdey dapat me pa canton

crispy pata..na di ko natikman, buti na lang na record for posterity

sizzling sisig..di ko rin natikman ito kase nga vegetarian na ako

tuna sisig..ako lang ang nag tiyaga dito

ang pinakamahal na towa sa balat ng lupa

sa pagtitipong ito..dumating si o (na kabertdey ko..pramis same date en ol), si x at y (si x bertdey nung october), si L, si C(na october celebrant), si M at asawang si B, si V, na isa nang ganap na embalsamador (tru ito, dun sya work sa me online lamay promo), at ang matagal na nawala sa sirkulasyon na si Melanie..

since mejo me tama pa rin ako nung mga panahon na iyon, di ako masyado nakabangka..at sa sobrang haba ng mesa, hindi ko naabot ang ibang fud..i'm sure marami pa na order ang hindi man lang umabot sa kabilang dulo ko..kaya nga por the whole evening, tokwa lang ang nginunguya ko...

ang mga boys walang kiber sa pag order ng beer, me bago kasi produkto ang san miguel ung kulay green na beer..sori di ko napicturean kasi ang bibilis tumunga ng mga bwiset..e ilan kaya yung umoorder..kaya tinigilan ko na magbilang..

tapos, naghalo-halo pa for dessert...

kaya sa pagtatapos ng gabi, ang damage sa bulsa ko e P1,250.00..dito lang talaga ako nakapagbayad ng mahigit isang libo for pritong tokwa..pagkatapos itong si C, nuknukan ng kunat..pati yung pang tip sa waiters e hinarbat..nagpalwal pa tuloy si Y ng pang tip e di naman sya me bertdey..