a new friend

hayan.. dahil nga expanding na ang aking network, may bago na naman ako frend..na mukang demanding... achuli frend ito ni blu boss na nareto sa akin.. mabait naman, kaso nga ang dami nya problema.. kaya hayun kahit na november1, nag tatrabaho pa rin ako.. sus marya, ito ang longest meeting of my life.. 11:00 am to 6 PM, ay iyon ay natigil dahil kailangan ko na umuwi...

muntik na ako lumabas sa TV tuloy dahil sa kanya, buti na lang at me sumalo sa akin, otherwise, baka nadiscover pa ako ni kuya eli..

eniwe, back to my new frend.. okay naman sya..it's nice to know na kahit na ang mayayaman ay down to earth din naman pala..nagtatagalog nga kami kung mag usap e..yun nga lang, napansin ko lang na sa halos araw-araw nya na pinasusundo nya ako sa ofis ko para puntahan sya sa ofis nya which is two kantos away, e hindi sya nag-uulit ng sasakyan...

nung isang araw e naka lexus na suv.. kahapon naman benz ang pinahiram sa akin para lang pumunta sa tv station somehwere in q.c., tapos kanina akala ko e armored car na ang susundo sa akin kasi me armored car na huminto sa tapat ko.. apparently, close relative nun ang susundo sa akin..kasi HUMMER ang school bus ko... iniisip ko nga kung papayagan ako ng driver na ma drive e.. howelll....sabihin ko kaya sa new frend ko na bertdey ko na bukas?

biglaang SL

kanina ay may ka meeting na naman ako courtesy of boss #3... the next thing i know, nag te text na ako sa aking assistant to say na SL ako for the day dahil may dapat akong gawin at isabmit sa kapasigan.. e bukas SL ako ulet kasi me seminar naman ako na pupuntahan sa malayong lugar ng makati..

hay buhay... how long can i keep this up?

working on holiday

piyesta opisyal ngayon..so technically dapat long weekend..kaso parang wala ako weekend.. kasi nung sabado go ako ng Makati to verify something..then syemre para makapunta ka ng makati e buhol-buhol na trapik ang kailangan suogin para makabalik sa lungga ko...kaya, in fairness hindi ko nagawa ang mga pending ko na trabaho..

kahapon naman, linggo. araw ng pangilin..papagalitan ako ng tatay ko kung mag work ako..plus, kailangan ko tapusin ang stage 3 sa aking plants vs. zombies.. bwiset kasi yung pamangkin ko ni-reset ang settings ko..nawala tuloy ang quick play options ko..bwiset!

so kanina ginawa ko na ang aking assignment for my fourth job.. akala ko e matatapos ko yun in 3 hours.. syet 7PM na hindi pa ako tapos... ang hirap pala mag fastbreak ng Appeal...partida di pa ako bumoto nyan.. kaya ang mga nakapila ko work for my 2nd and 3rd job..hayun naka pila pa rin..haywish tumama na ako sa loto..

on another note.. may nabuhay ako ng frend... nag aaya na mag aral kami ng espanyol or mag part time barista sa strabucks...hahaha.. fifth job?

malapit na pala ang december.. kailangan ko na talaga mag enrol sa hiphop class at boxing..malapit na kasi ang aking high school reunion... hay payabangan lang naman iyon...talagang kailangan ko na tumama sa loto

Galleon Fail

ay octoberfest na pala, at ito pa lang ang unang entry ko...super bisi-bisihan kasi...dahil ngayon apat na ang trabaho ko.. kaya hala, delinquente lahat..

last weekend nag try ako ma sight ang galleon andalucia.. kaso pagdating ko naman sa pier 13 e pagkadami namang tao!! susmarya.. ayoko ma wowowee second edition..kaya, masama man sa aking kalooban.. iniwan ko na ang lugar.. isang tulak lang from a stampede ang lugar, tapos expose pa ako sa sun.. howelll...sana bumalik ang galleon by next year

so, go na lang to watch eat pray love with the ever love julia roberts... me rason kung bakit hanggang italy lang ang nabasa ko sa librong ito... at me rason din kung bakit ko inindure ang less than three hours of fighting sleep sa loob ng sinehan.. love ko si julia at sayang ang bayad ko..

yes, dahil ke julia e biktima ako ng istorya ng white woman angst.. na hindi marunong magpasalamat sa kanyang natatamasa sa buhay..

Kapagod

lately ko lang na realize na tatlo pala ang trabaho ko....

kanina dahil nga wala naman ang blu boss , e ako ang kailangang makipagkita sa isang boy bibo na senador at makipagbalitaktakan tungkol sa VAT. lecturean ba naman ako tungkol sa Vat, tama ba ito.. mabait lang ako talaga at hindi ko talampakang sinabi sa kanya na yung mga assumptions nya ay wrong..hay back to the drawing board ako mga ateh...buti na lang andun yung anak ng kanyang misis na artista at gwaping..but then, since i was there as an expert chorva..kailangan muka ako serious and dignified. kaya wiz ako pa picture sa gwapong dating bf ni angel l. kainis.

hayan, wala tuloy masyado mga posts..kasi naman, im so tired na..

hanggang sa muli...

Dulaang UP's Shock value

Naman, weeks and weeks na pala ang nakakalipas mula nang ako ay huling mag post...

kasi naman.. masyado madami labada.. kaya nung nung sabado, tried my best to go out and watch this play...



kaya lang bwiset na SM city yan at meron pala three day sale kaya nagka late-late ako.. na miss ko tuloy ang sex scene in the beginning at unfortunately, iyon lang ang da onli sex scene.. meron na lang g2g torrid kissing later...

sobrang fun ito mga teh.. with spoofs of all the famous tv characters. di ko alam kung si mike enriquez, korina sanchez o mel tiangco ang pinapanuod ko. magagagaling ang mga aktors and aktresses...pati yung singer ng popoke feys..popopoke feys.. winner! ang daming song and dance including a number na i will survive in thai buddha attire.. temptation island part 2 ata ito.

Ang Photo shoot

soshalin ang studio somewhere in Pasong Tamo, makati.. before ako makapasok sa studio e me nakita akong brazilian model sa labas na fully made up pa for a belo shoot daw. ang gwapo ng hitad!

so pagpasok ko sa studio 1 where the shoot will take place.. go daw muna ako sa make up room.. huh, me ganun pa? e bago ako bumaba ng sasakyan e nagsuklay na ako at nag johnsons baby powder.. nag chapsticks pa nga ako...apparently, no. so pila ang beauty ko kasi nauna dumating sa aking ang 2 ko pang co members...

so ang hair stylist ay hair stylist daw ni sarah g.. at super mega kwento naman ang hitad sa kanilang experience sa abs.. magaling din ang aming make up artist.. i would like to thank them kahit na inahit nila ang kilay ko...leche sila.. di pa ako nag ahit ng kilay ever noh!

then, individual shots na..ay ganun pala talaga ang picturean na profeyshonal.. all white.. feeling ko mawawala ako sa wall.. buti na lang balck ang motif namin.....ang hirap pala talaga mag photoshoot, napagod ang bibig ko kakasmile, look serious, a littel smile.. hay, its not easy really. magaling naman ang photographer na favorite photographer daw ni KC..tinanung ko nga kung pwede nya ako bigyan ng 2x2 para pag nag apply ako ng passport yun ang ididikit ko..

then came the group shot. ..at dahil pinaka cute ang ateh nyo.. binigyan ba naman nila ako ng patung patung na telephone directory para tayuan.. at di pa sila nagkasya dun.. pinadagdagan pa nila kasi na rerestrict daw ang movement ko.. kulang ako sa flow tuloy..

hay, bwiset..yung sytist namin gusto pa e ipasok ko ang kamy ko sa bulsa ko.. helo, walng bulsa ang armani pants ko noh!.. saka mukang fpj ang pose ko pag ganun..

eniwey, pag na up na ang aming website for everybody to see, i will definitely tweet about it.

waiting for a photo shoot

at dahil pasyon! ang aking new group... waiting ngayon ang beauty ko for a photo shoot para sa aming website.. hay naku naman iparada pa ba ang akin fez for the whole world to see???

buti pa sila nagsibilihan ng mga business attire for the shoot. ako e hindi kumain for three days para kumasya sa aking corporate attire na kulay black...

sila alam na nila ang angle nila na dapat kuman.. e ako.. hanggang foto me lang ang alam kong pose...may gash.. im so jologs..

Cholesterol Weekend

Nung sabado ang ulam namin e inihaw na liempo, sinigang na bangus, camaron relleno at saciadong baka.. hapunan namin..peking duck at pancit..

nung linggo.. ginawa ko two way yung peking duck meaning, naging salt and pepper fried duck na yun, plus grilled shrimp with lemon butter sauce, pinaputok na plapla at chopseuy...

kaninang hapunan nagpabili ng crispy pata si itay.. e since wala sya kasabay kumain kasi me singaw si inay, sinabayan ko sya kumain ng dinner kahit na katatapos ko lang magmeryenda ang kani sushi at california maki..

Jus ko, magising sana ako bukas....

isang phone call

kanina, medyo gabi na mga 9PM ba, me tumawag sa akin na kaklase ko... dati ko na naka opis yun sa ultimate boss so pwedeng sabihin na me pinasamahan kami..

aba... e di ang bwelo sa akin e paano ko daw nakilala si blu boss ko.. e sabi ko, ako e friendly na tao kaya madami ako friends... tapos, sinabayan pa nya na kaya daw nya nalaman na kasama ko si blu boss kasi e nabasa daw nila (meaning ng iba pa namin kaklase) sa jaryo na me kino awtor daw kami na paper ni blu boss about chengcheng chuvalu..at kaya ko naman daw naisulat ang mga bagay na iyon dahil ako ay may kilalang operator....ang babaw talaga nung mga yun...helo?? walang bahid ito ever noh...its the product of my brain cells and sleepless nights kaya..

to make a long story short, e me gusto palang ipatanong itong si mokong sa aking blu boss thru me.. e teka, hindi ba kliyente nya yung ipinakikiusap nya? e bakit ako ang magtatanong? at saka, bakit sa akin lalapit? abah, mali naman sya dun di ba? saka kung close naman yung kliente nya at yung blu boss ko, e di sila mag-usap ng diretso.. bakit mag party line pa sa akin?.. hmmmp! makatulog na nga....

lintek na trapik

akala ko pa naman e tungo na sa bagong daan ang edsa.. puro press release lang pala kasi mula pa nung lunes e 10:30 na ako dumadating sa opis... nampucha, lahat na naman ng kolorum na bus e asa edsa na naman...

katulad kanina, halos 2 oras ko tinugaygay ang daan mula malabon hanggang ortigas.. e muntik na nga kami magkadevelopan ni enchong dee kasi na co conscious na ako sa tingin nya sa akin habang inaaya nya ako mag apply sa convergys...(kasi sinisundan ko yung bus na me advertisement ng convergys anubah...) feeling ko nga pag nagkita kami ng personal ni enchong, close na kami...

at dahil din late na ako dumadating, wala na ako space sa aking favorite parking slot.. duon pa ako malapit sa podium napapadpad.. imagine, nababasa ang shos ko papunta sa oto ko pag uuwi na ako kasi lagi umuulan pag uwian na.. ewan ko ba naman jan sa ortigas kung bakit ganun ang skejul ng ulan, kung kelan uwian ang mga tao saka bumubuhos.. leche..

hay buhay... sana tumama na ako sa lotto...

sick agen

nampucha naman, me sakit na naman ako... siguro ang salarin na talaga e yung carpet sa ofis.. talagan di ko keri mag opisina na carpetted ang flooring..lalo na kung di naman sinashampoo ang carpet kasi pamamahayan yun ng dustmites! me allergy ako dun! buset talagang ofis yun..sobrang mag cost cutting...

bukas papasok ako na naka gas mask...

or pwede rin naman na over worked ako at stressed kaya ako nagkakasakit na naman...

hay kasi pati pagbibilang ng isda e gusto ko na pasukin..

buti na lang at na TRO ang vat on toll, otherwise kailangan ko pang gumawa ng istorya dun...kaya minus one sa aking to do list...

nye.. me meeting pala ako bukas at 9Am..hay naku...i'm not looking forawrd to monday...

madilim ang langit

habang ginagawa ko ito.. asa 26F kasi ako at umuulan sa labas.. kaya nakikita ko gumuhit ang kidlat..syet, baka tamaan ako nito, malapit pa naman ako sa bintanang glass...

i'm so sad kasi di na ako nakaka takbo dahil tag-ulan na.. pero nabawasan naman ako ng timbang since naratay naman ako sa banig ng karamdaman..9 lbs din yun..

update on my new karaketan na wala pa material gains..nag absent ako nung lunes para lang matapos ang aking article.. awa ng juice, nasubmit ko naman within the time limit required. kahapon dapat me meeting kami with the blu boy and gels.. syempre sosyal sila kaya sa isang 5 star hotel yun naganap..kaso, hindi naman ako pwede umattend kasi me kasabay na walang kwentang meeting dito sa aking tunay na trabaho.. so instead na pika-pika ako ng mga sushi, e kumain ako sa styropor box na me lamang rice toppings from gloria maris..loser talaga...

i am not a writer.. really

so to justify ang aking sining bonus, i have to come up with an article na supposedly e expertise ko... hay, ang hirap talaga.. i am a solution provider not a story teller!!

kaya, hayan, absent ako kanina para mapagtuunan ko lang ng pansin itong scholarly article na ito..kasi naman, dapat natapos ko na ito kagabi, kaso me nanlibre ng pad thai.. e sayang naman ang grasya..pinatulan ko na.. akala ko matatapos ko ang aking due na papel.. asa pa.. bakit kasi komunikasyon I to III ang aking kurso na nakuha sa college..at sa CEU ako nag complete ng aking english units...

signing bonus..

yes.. dumating na ang aking signing bonus from my new blu boss..soshal ang lolo.. 64GB..

ayun, kinakarir na ni ina ang pag FB ... kanya na lang daw yun kasi wala naman daw sya laptop.

Sayang na weekend

at dahil sa nanuod ako ng show sa klownz at naulanan ng bagyong basyang, since monday e out of commission na ako...

as in, bedridden ang drama ko, except yesterday na nakasinggit ako magpa interview sa dalawa, take note, dalawang company na interesado sa aking serbisyo...

ung isa, IT company na subsidiary ng isang malaking telecom... e puro bata pa ang trabahador, mukang member ako ng senior citizen pag dun ako napunta.. ung pangalawa naman, nagtatayo ng mga condo sa palibot-libot ng metro manila.. yung trabaho dun sa pangalawa does not require brain, more of PR and people skills and kailangan great personality...ayyy... kailanganin ko na mag designer clothes at high heeled shuses.. ayyylabvet!!!! matutupad na ang pangarap kong makapag jimmy choos!

back to my stress related sickness... eto, na try ko na mag loviscol, zobrixol, lagundi, pey pa kwa, vicks, augmentin, ay wala pa rin epek sa akin... apat na araw na ako nakaratay sa kama! lintek talagang ate gay yun...

wala tuloy akong wikend ngayon.. im sure.. dito lang ako sa bahay at magbibilang ng ako sa dingding

Isang Gimik

kahit na signal number 3 kahapon sa buong metro manila, tuloy ang gimik namin a.k.a. farewell party sa aking assistant na nag endo na.

e susme naman ang alaga ko, ang hiling ba naman e kung pwede daw e mag comedy bar kami, so kahit hindi ko pa nagagawa ang ganun drama, pinagbigyan ko na kasi promdi itu.
kaso ang gusto pa naman nya si ate gay, e di sabi ko hanapan nya kung saan me show ang bakla at duon kami tutungo..

sa kagustuhan nya talaga na mapanuod si ate gay, finriend nya ito sa FB.. kaya ayun, nalaman nya na sa Klownz Quezon Ave ang show for the night.

e ang schedule naman pala ng salang ke ate gay e 12AM pa.. kaya nagubos muna kami ng oras sa pamamagitan ng panunuod sa mga bading na nangongotong sa mga customer via requests wid a fee...

funny naman sila, pinagtitripan nila yung amerikano na me dyowa na pinay na kakulay ni ula.. saka yung isang bading na iniimpersonate si elizabeth ramsey at aling dionesia.. in furness me boses si elizabeth, kayang kaya nya kantahin ang New York, New York...

tapos me isa pang bading na daig pa si regine velasquez.. kala ko nga lipsynch e.. pero live pala.. madami sya nakuhang datung kasi ang daming nag rerequest sa kanya..kaso ang mga pinakakanta puro kanta ni whitney houston kaya panay ang tili nya..

kaya kahit me delubyo outside, wiz namin pansin.. hangang umabot na ang alas dose, pero lalo pang nadagdagan ang mga tao.. me taga bulcan, paranaque, fairview.. sabi nga ni allan k, kaya daw madami tao kasi sila lang ang me ilaw that night..

katuwa naman si ate gay, ang intro ng spiel nya e bad romance to the tune of nora aunor singing voice.. with matching costume..mahalay pala ang baklag ito..kaya pala alas dose na ang show, para wala na sensors..

alas dos na kami nakalabas, pero di na kami nakauwi kasi sobrang lakas ng ulan.. kaya nag check in na lang kami sa abardeen hotel.. sus ang luma na ng hotel na iyon, pero at least safe naman si troy kasi asa third level ang parking nya, bumaha man e di sya aabutin..

Blind date

at dahil nga nag expand na ang aking network.. naireto tuloy ako sa isang blind date kagabi..

aba soshal ang mga kablind date ko.. edsa shang ang venue...tapos pare-pareho pa sila ng pinanggalingan na school na kulay blue...

achuli..for career advancement iyon.. ata... well siguro nga aadvance ako kasi yung katabi ko sa kanan ko, naka rolex.. yung sa kaliwa, naka cartier.. ako naka timex..so sad..working class talaga ako. ang main character naka AP..

ang problema ko lang, akala ko free food lang iyon, yun pala, me kapalit na agad. i have to write my name in blood..

i need new tshirt..saying "principles for sale"

different monday??

kanina nag simba na ako.. ipinagdasal ko na ang mga nang aapi sa akin... sinagot naman agad ang mga dalangin ko.. sabi, "forgive them for they know not what they do".. e gusto ko sana sagutin na i'm not out to save their souls... kaso wala na sumagot sa akin after that...

pagdating ko sa bahay, tumawag ang aking bugaw sa teatro para sa isang networking activity...nagkaron tuloy ako ng blind date bukas ng gabi..buti na lang updated ang lahat ng insurance ko..

hay weekend....

at dahil nga bad trip ako sa whole week sa office, sa podium ako pinulot maglunch kanina.. aba.. at sale pala ang karamihan ng stores...napadpad tuloy ako sa tindahan na nag se sale ng mga cds.. aba, at merong diana ross, the ultimate collection! pinag-isipan ko muna kung bibilin ko.. kaya lang ng makita ko na ang kantang Ain't no Mountain High Enough e asa track number six.. bite the bullet ako to buy it.

syempre, back at the ofis hindi ko naman sya mapakingang kasi cheap ang mga computer duon, walang cd drive...kaya can't wait ako na mag uwian para sa cd player na lang ng oto masamplean ito..nag san juan nga ako kasi super trapik na naman ang EDSA....

dapat mag foforward ako to track 6 agad. e kaso, ako ay na halina sa boses ni lolah diana.. first track ba naman e where did our love go..tapos baby love .. tapos you can't hurry love.. ahaha naiimagine ko ang lola ko na kumakanta hawak ang mike na 1 ft away from her..habang sinasayawan ng back-up nyang the supremes..

tapos nag track 6 na.. ahahay.. panalo ang intro. if you need me, call me..no matter where you are, no matter how far..just call my name, i'll be there in a hurry..ahahay..na pa smile na ako..
kahit pa buong linggo ako nakasimangot dahil sa buset na opisinang yun...
para kasing sincere ang lola ko saying those phrases.. feel ko tuloy, may kakampi ako..





haylaveet!!! panalo!! winner!!! and all this for p99 lang.

L, givsung kita ng kopya para happy ka pauwi ng Laguna...

anoder hate the ofis post..

...kanina i went to makati kasi me good samaritan na nanlibre ng lunch sa Myron's dun sa greenbelt 5. salamat na lang kay noynoy at dumaan sa EDSA at 3 days in a row na ako hindi natatrafik.. pero pwede ba dumaan din sya sa north side ng EDSA para mawalan din n trafik dun, mag a alas tres na ako nakabalik sa ofis...

eniwey.. kakabuset talaga ang badingerz na presidinti namen.. aba, e pinaasa ako na July e maguusap kami tungkol sa aking salary increase, ang ginawa ba naman kanina e tinex ako at 12:05 ng tanghali para sabihin na wala ako salary increase yet (syet.) parang nung tinggalan ako ng parking, e tinex din nya ako.. o di ba.. opus dei member yun ha..

tapos kanina, syempre me natanggap na notice of hearing from DOLE kasi me mga nagreklamong sekyu na hindi binayaran.. yung lecheng HR na me pakana nang pagtanggal ng parking ko binibigay sa akin ang papel at ako na daw ang umattend.. aba, e kahit kelan hindi ako umatend sa labor no! at saka nung nandun pa yung original na HR yun ang umaatend ng mga hearings! aba, ang ginawa ng bruha, nagsumbong sa presidinti.. o kaya ang ending, pinuntahan ako ng presidente para utusang umattend nung hearing..pootah talaga! tinanggalan na ako ng benefit, hindi pa tinaas ang suweldo ko, dinagdagan pa ako ng trabaho..hay nako, im so blessed talaga.. ano bang karma ang meron ako?? sino ba me alam ng e-mail ni manny p?

on another note, kahapon me interview ako sa tabi-tabi..arabo naman ang me ari nung kumpanya.. 2 hours kami nagbobolahan..tapos sabi nya he likes me daw kasi im smart and i think out of the box..(e wala naman ako talaga sa loob ng box) kaso he could not afford me daw... e sabi ko, i'm open on a per project basis..sayang din yun..e ang projects nya sa washington dc, dubai at london.. o di ba, malay natin makatisod ako ng isang london project..

dumating na rin ang kontrata ko for the other boss..nate temp na tuloy ako na magpasa ng resignation letter..kaso hindi ako masusustain ni oder boss, baka hanggang next month lang ako mabuhay..hay, ang hirap ng nagmamature.. mabagal na ang metabolism, mabagal pa ang karir advancement...

naloloka na ako sa aking MA.. i want to give up kaya lang sayang ang bayad ko... huhuhuhu....

lord sana mabasa mo ito....

Mainit pa rin

..ang ulo ko sa mga bwiset na tao sa opis.. yesterday, may i write ako ng disgruntled letter to the president para ireklamo ang mga pang aapi nilang ginawa sa akin.. well, apparently hindi sila marunong umintindi ng ingles kasi dedma ang Presidinti.. buset na yun..wala talagang ka kwenta-kwenta..opus dei member pa yun supposedly

dedma na sa time in at time out sa opis, i will come in when i want to.. sabi nga ni former boss, gawin ko na lang tambayan ang opisinang yun habang naghihintay ng tawag ng tanghalan..

buti na lang wala pasok bukas at sa biyernes dahil pasig day nag file na rin ako ng VL for thursday para hindi ko na sila makita pa.. kiber.. para ako walang nakikita sa ofis.. lahat sila ay ghost to me just floating around at ang aking stare ay laging asa malayo..

at hindi pa yun ang aking revenge... mag intay sila ng karma..

Art Lesson Number 2

Nung Sabado ay umpisa na muli ng aking art workshop.. since magulo ng aking schedule ang nagtugma lang sa aking free time ay drawing.. well enlist na rin ako kasi, wiz naman talaga ako marunong magdrawing.. baka sakaling me nude model na ako makita this time.. kaso

since ang UP ay UP (meaning wala budget) kami-kaming mag kaklase ang nag momodelo para sa isa't isa.. e yung nakapartner ko, na vote out ata sa the Biggest Loser, Philippine edition.. hirap tuloy ako i drawing sya sa oslo paper.. dapat ata cartolina ang gamit ko.. saka, i o outline ko ba ang curvatures ng kanyang bilbils? impolite ba ako kung isama ko pati mga taba nya sa outline?? kainis.. kakapagod pala mag model, and to think na 15 minues lang yun ha.. pinulikat ang paa ko while sitting sa stool..

on another note, si snafalafagus is on her way to a new career.. na bugaw ko din mag enrol sa college of music ng UP.. achuli, its a selfish motive on my part, kasi wala na yung friend of a friend ko by two degrees of separtion na gumora na sa nu york to work. e yun pa naman ang aming susi sa teatro.. so i am hoping na si snafalafagus will be our new susi.. kung saan nga lang, yun ang di ko pa alam.

Walk out beauty

Yes, i am.. yesterday..

winalk outan ko ang mga utaw at shonget sa opis...kiver ko na sa kanila...

it may be petty, but i deserve something much better...

para matuto sila na hindi basta-basta tinatannggalan ng covered parking privileges ang isang divah..

sa monday, i will tender my resignation effective immediately!

Isang araw....

nangangarag ako kasi masyado kabisihan ang drama ko sa buhay..
naglipat bahay kasi kami sa opisina.. e syempre hindi naman ako ang magbubuhat ng kagamitan kaya ang drama ko mula pa nung lunes e palaging pumunta sa loss and found section dahil di ko makita ang aking mga files at libro..

tapos according to my schedule of deadlines.. june 26 naka due ang isang paper ko na dapat isubmit about the environment and the ecology chorva...

tapos me seminar pa ako dapat attendan kanina...

at tumawag ang aking art professor reminding me of my art class..

hahaha.. ano na ang gagawin ko?

buti na lang, na extend ang submission ng paper ko wohooo..to july 3 as if..
nakapag enrol din ako sa aking art class, hindi nga lang oil painting kungdi drawing class na kasi yun lang ang tutugma sa iskedjul ko..pero okay nayun.. keri na rin at baka sakaling maging portraitist ang talent ko...
naka attend naman ako ng seminar.. kahit na mukang jologs ang organizers at ang aking mga kasabayan, i know sila ang mga me pera..
na experience ko na rin kanina tumawid sa footbridge ng MMDA at malula while looking down.. goshness, bakit ganuon ang construction ng mga footbridge? parang isang ihip lang ng hangin e pwede ka malaglag..ayoko pa naman humawak sa railings kasi ma germs!!

An art frustration

tinawagan ako ng aking art instructor to inform me na level 2 of my oil painting chorva is now open for business..

e pano ko pa gagawin yun... sayang. still life pa naman ang subject, which is better meaning hindi na ako masisinaan ng araw habang nagpipinta!

howelll.... i will find a way...

hindi ko naman alam kung paano ko gagawin ang aking mga assignments at iba pang labada... sana umayos na ang opisina para back to normal na ulit ang aking sitwasyon... madami na ako blogs na nami- miss..

Isang bagong adventure

nag enroll ako... oo mag aaral ulit ako... i'm pursuing my Masters in Environment and Natural resource Management.. o hala, tawanan jan..

malay nyo, maging Presidente ako ng minahan later on...

kaso... sabi ni oder boss dapat daw nag accounting na lang ako..
e ano pa magagawa ko, di ko na pwedeng bawiin ang Transcript ko sa UP..

tapos saka ko lang nabasa sa course outline na meron pala grade requirement..ahaha..running for honors ba ako?
me required papers na i submit sa June 26.. kamusta naman kaya ang labada load ko noh?

tapos dun sa isang course, i have to make a choice daw kung ano ang field of interest na gusto ko, air, land, water, pwede kaya fire?? syet, baka maging planeteer na ako nito in two years time...

The New York Walking Tour (Part three)

ayan after so many months, e matatapos ko na rin ang narration ng aking US sojurn...

a friend of a friend who must not be named offered to take us to a walking tour of New York.. understanding naman sya at inischedule na magkita kami at 11AM para di naman daw kami ngarag gumising sa umaga...

sinundo nya kami sa hotel at nagumpisa kami sa AQ Kafe sa corner ng Broadway at Columbus circle.. dito namin inintay si B, ang isa pa naming friend na bagong saltang OFW sa Nu Yok..

eto ang brunch with matching champagne in orange juice...






kaso naubos na namin ang fud, wala pa rin si B.. malamang nawala ito sa pasikot-sikot ng columbus circle...

after 10,000 mintues dumating na rin sya, pero hindi na namin pinakain kasi sayang ang oras, binigyan na lang namin ng chewing gum...

on to Central Park kami... sus, walang binatbat ang Sunken Garden dito.. pwede ko ubusin ang isang araw dito at malamang kulang pa rin... sori walag picture. andun sa FB lahat..

eto ang marker sa strawberry fields section ng Central Park, across ito sa condo-building ni john lennon kung san sya na shot ded.

then walk galore to 5th ave ang aming drama where the high end stores are..

apple store na open 24 hours.. parang carinderia


view from the glass elevator sa apple store


F.A.O Schwarz store kung asan ang big piano...ang saya dito kaya kasi ang lalaki ng stuff toys!





Rockefeller center kung san madami daw nangyayaring marriage proposal



si atlas sa new york

st. patrick's cathedral

st. patrick's cathedral pa rin, ung andun kami e me affair ata kasi buong kapulisan ng nu yok e andun together with Mayor Bloomberg.. papapiktyur sana ako ke Bloomberg na aking former client kaso atakot ako at baka ipadeport ako bigla



ang site ng TODAY show..sayang at Sunday nung kami e magawi dito, di man lang ako nakakaway on TV


Magnolia Bakery

nung mga bandang alas 3 na ng hapon naalala namin na hindi pa nga pala kumakain si B kaya huminto kami sa isang seems like jollijeep duon at bumili ng pune (para syang shawarma), at since alam naman nila na di ako kumakain ng spicy foods, inorder nila yung mild pune for me...

pero hindi ako naniniwala na mild pune yung napunta sa akin kasi.. sobrang anghang.. sabi ko na nga ba, hindi dapat paniwalaan ang indianong nagluluto habang nakikipag usap sa celphone.. uso din ang sun to sun calls dito..


then, walk galore ulit.. to the empire state building, radio music hall, at grand station






then on to Strands where they have miles and miles of books.. yehey , nakabili na naman ako ng book on Van Gogh's paintings.. kahit na 10llbs yung libro ko.. kiber ko sa pounds later

Parsons school of design...sayang di ko nakita at na meet si Tim Gunn

after ko na lang nalaman na ang walking tour pala namin na yun covers 8 miles of nu yok....at hindi ko pa naikot ang central park nun ha..

kulang na kulang ang three days sa New York talaga.. i like the City.. alive na alive.. totoo ang kanta.. live in New York but leave before it makes you hard...or something to that effect...siguro ilang buwan lang ako dito ibang karakter na ako...

katakot ang subway nila, unlike washington dc that is so organized.. e dito yung mga mapa sa istasyon binubura ng mga balahurang nu yorkers..

i will be back, i promise..ang dami ko kayang hindi nagawa dito due to time and manpower constraints..

sana si B magka bahay na para free board and lodging na rin ako dun...

NEw York, New York (Part 2)

Day 2 sa Nu York...


ang susunod na adventure ay ang Statue of Liberty...dahil nga sa kulang ang oras dito sa NY sa mga piling, piling touristy stops lang ang pwede ko puntahan.. ayoko na sana pumunta dito sa kasi mahaba daw ang pila ...add pa dito ang fact na wala naman kami tourist guide for the day at wala pa ring mapa ng NY (kasi naman napaka mahal nung mapa na binebenta nung indian.. seven dollars e libre lang naman yun sa grand central pala)

eniwey.. nakapag book ako ng ticket thru da internet nung asa Washington pa kami for an 8AM trip. e sabi pa ng aking mga friendship 2 hours waiting time pa daw ito to board the ferry. so kinailangan gumising ng maaga dahil na rin kailangan pa namin mawala sa subway going there..
ang hirap lang dito sa New York, ang mga train station personnel ay hindi mo maintindihan ang lenguahe.. either mexicano or indian ang mga tauhan dito.. at hindi naman friendly ang mga katauhan duon na pwede ka magtanung ng direction...

so from the hotel.. walkathon to the subway para bumaba sa bowling green station to get to the staten island ferry stop located at battery park




eto ang pasukan to the ferry ride.. castle clinton.. buti na alng nakapagbook na ako sa internet ng ticket kasi sobrang haba na ng fila..


then 1.5 hours ang intay to get inside sa isang security check na daig pa ang airport.. e nuknukan naman ng ginaw dun sa pilahan.. ang dami din kasing turista..

eto ang view from the pilahan...

then, off to the ferry...






pagdating ko dun, wala lang parang huh, ito na yon?? i don't feel impressed...

manhattan skyline





e kaso hindi naman pwede from statue of liberty balik na agad sa battery park kung saan ka nanggaling, kailangan pa talaga mag stop sa ellis island



then back to battery park kung saan kami naghanap ng makakainan before we go to the metropolitan museum..

may nakita kaming maliit na au bon pain duon kaya dun kami kumain. me pinay na supervisor kaso di naman kami kinausap..smile smile lang...

pagkakain, alam ko na malapit lang sa battery park ang charging bull monument... kaya nawala muna kami sa paligid hangang nadiscover namin ang wall st. at new york stock exchange..



dito daw sa building na ito nag ake ng oath si george washington


ag hirap magkaron ng solo picture dito sa dami ng tao

then we saw this episcopalian church
from bowling green, subway ulit to upper east to get to the metropolitan museum...






sus kulang na kulang ang oras dito..

i got lost sa medieval arts..




at greek gods..



at lalong lalo na sa aking favorite painter







kulang na kulang ang isang araw to tour the Met... sayang ang 20USD na entrance ko dito kasi ni hindi ko nakita ang pyramids.. i will definitely go back here.. pag me kaibigan na ako na me apartment sa upper east side.. calling the universe....

I lab NU YORK! (first of three parts)

achuli, ang kadahilanan ng pagpunta ko sa US of A ay para maisakatuparan lamang ang isa sa aking mga 10,000 things to do before i die list, ang mapanuod ang Phantom of the Opera. Nabasa ko kasi na by November 2010 ay uumpisahan na ang book 2 ng Phantom na Love Never Dies, so kailangan ko na ma watch ang Broadway presentation of the original. Asa grade school pa lang kasi ako ay nabasa ko na ang libro at nainlab sa istorya..kaya nuong minsan na pumunta sa NY si da oder boss, ang hiniling ko na uwi sa akin e yung original recording ng broadway cast.. biniyan nga ako kaso hindi yung buong musical score..

so from washington dc, we took a four hour bus ride. masaya naman ang ride, e since spring break nga kasabay namin ang mga college girls on to a weekend adventure of parteh sa new york..kaya excitment is in the air at nuknukan nila ng ingay..leche

ang bus stop is near madison square garden na hindi ko napicturean kasi nagmamadali na ako makarating sa hotel (at baka maholdapako) at baka i bump-off ang aking reservation (e kahirap pa naman maghanap ng murang hotel sa manhattan) buti na lang at madali ako nakapara ng taxicab..

as a backgrounder on our hotel...

since wala nga kukupkop sa amin sa New York, we have to have a hotel.. ang gusto ko sana e yung asa middle of everything na para lakad ever to everwhere na lang. e since springbreak nga mahal ang rates plus, weekend pa ang schedule so mas mahal talaga ang rates..so asa LA pa lang hanap ever na ako sa internet ng pwedeng tuluyan..

e sus, ang pinakamurang hotel e asa range ng USD200 per night..me nakikita naman ako na USD120 e communal ang CR at yung uncle ko e super kontra baka dw kukuha nga ako ng murang hotel e pagdating naman namin dun meron pang nakalagay na sticker na "POLICE LINE DO NOT CROSS" o kaya naman me nilinyahan pa ng chalk na fallen body..morbid talaga yun, dahil sa kanya hindi ako nakatuloy sa las vegas kasi baka daw mareport ako as missing person pag nagbus ako from LA to LV dahil desierto daw ang daan dun.hmp.
eniwey, naging member tuloy ako ng kung anu-anong travel sites just to see the hotel reviews.. may hotels na binanggit sa aking ang friend of a friend kaso yung isa e communal ang CR at yung isa naman me reivew na yung towels daw me stain of dried blood. lalala


so nung nakita ko ang washington-jefferson hotel na mura naman at USD 155 per night nagpa book na ako.. located sya sa gitna ng theater district with the only review na maliit daw ang rooms.. e since feeling ko na ang nag rereview naman e mga naglalakihang caucasian, mukang okay na yun sa amin..

apparently, maliit talaga ang rooms... kasi ni wala itong side table.. at since lodging lang talaga ang internet offer na iyon.. kailangan bumili kami ng food sa labas para me pang breakfast sa umaga.. e wala nga dining table so ang kama ay dining table na rin..
mahal talaga ang realty sa NY.. eto na nga ang view pag nagbukas ka ng blinds..


dito lang ako nakakita ng elevator door na literally e door..




howell, beggars can't be chosers talaga...

eniwey..on to the adventure.... since tipd-tipiran trip ito.. after a few minutes of pahinga and settling in.. takbo na kami to times square to line up sa tkts for discounted tickets for phantom of the opera.. according to the monitor, may available tickets pa at 30% discoutn... kaso, nay ko naman, e mahaba pa sa pila sa MRT ang inabutan namin so habang nakapila, e picture-picturan sa times square.. madami tourist at ang mga tao dun e parang asa manila.. di sumusunod sa traffic lights.. kaya tawiran at your own risk ito...

feeling ko ako bila si hiro nakamura!!
hay ito pala ang napapanuod ko sa TV

habang nakapila kami sa Tkts, madami rin nag ooffer ng tickets to other plays na hindi ko naman know..after mga thirty minutes on line, at nagbabanta na ang ulan, punta na ako sa monitor to see if may available pa na ticket.hala wala na sa monitor ang Phantom.. so bite da bullet kami at gora sa Majestic Theather which is at 44th street or 2 blocks away lag dahil ang times square is at 42th street...buti na lang at according dun sa takilyero e he still have good seats.. oo nga good seats ito at USD136 per..dahil nung nanunuod na ako, akala ko sa akin babagsak ang chandelier




ang majestic theater...looks so small pero grabe an loob..


we went back to the hotel para mag gear up sa aming late night adventure later kasi 8 PM pa ang show.. had dinner at the nearest KFC branch at bumili na rin kami ng muffin at tubig for breakfast...

at 7PM walk galore to the theater na...

at syempre pa pila pa rin going in... akala ko sa UN ako nakapila dahil iba -ibang salita ang naririnig ko...once inside picture galore ulit...

ang chandelier up close and personal...

at nagumpisa na nga ang show... at nagumpisa na rin ang mama sa likod ko na mag hum to the tune of think of me as the opening song.. nilingon ko sya at tiningnan ng masamang tingin.. hindi ako nag travel half of the globe para makarinig ng korean version ng think of me..
buti naman at tumahimik..

kakaloka ang production... nagkaroon ng lake in the middle of the stage, meron din semeteryo pati na rin si phantom ay kung saan saan napupunta....grabeh ito... nahiya ako bigla sa aking supposed theater experience sa pilipinas...poor talaga ang zsazsa zaturnahh


full house nung nanuod kami .. magaling si john cudia as phantom.. akala ko di nya mapapantayan ang performance level ni michael crawford.. labable syang phantom..

curtain call..kebs ko na bawal mag picturean.. iniintay ko nga ipatapon ako from the theater..

pauwi namin walk galore to the hotel...buhay na buhay ang times square complete with the mounted policemen..

bukas naman.. statue of liberty adventure!!

on with the adventure to the east coast..

at syempre pa, dahil na nuknukan ng mahal ng airplane fare nung time na andun ako sa tate dahil nag srping break, look ako for ways to save on fares.. e wala naman piso fare dun..kaya i need to wait for two weeks para makakuha ng mura-murang tiket to the east coast.. buti na lang at ang husbandry ng aming friendship ay nag offer na kupkupin kami sa kanyang tinutuluyan sa Virginia which is only one train ride away from Washington D.C..

so habang asa LA kami ay may I hiram da computer and internet axess.. pati na rin printer to print my tickets ... nadiscover ko ang jet blue airlines, unlimited snacks and colas plus pwede mo na piliin ang upuan mo via internet .. in fairness mas okay yun kesa sa southwest airlines na unahan sa upuan.. kaya lang yung flight namin from vallejo to boston, matagtag ang eroplano.

so eniwey, nag umpisa ang adventure to DC via oakland airport.. teka before that, me kinailangan kami i meet sa Oakland na pinay na self made millionaire.. so get together muna kami sa isang seafud buffet restaurant 3 hours before our scheduled flight...e pambihira naman, buffet nga ang kainan e di naman ako makabalik sa buffet spread kasi i have to be polite and listen to the millionaire's story on how she got there..chorvaluh, eklabu.. so in short hindi ko na maximize ang buffet...dahil 2 hours before the flight dapat naka check in na di ba??

so anyway, on with the story..so check in pa lang ng mga bags, nakatikim na si Z ng descrimination from the itims.. kasi ako walang kahirap-hirap na nakapagcheck-in. ni hindi pinatanggal ang lock ng aking bagahe..pero si Z, initerview na at initerogate kung me dala sya deadly weapon of mass destruction, *which she answered of course none* e pinatanggal ang padlock ng kanyang bagahe dahil hindi daw iyon airline certified.. e pareho lang kaya kami ng lock na gamit..me tatak na YALE. so during the course of the trip, nangangarag sya kung binuksan ang bagahe nya o hindi...

so ang flight is from oakland to boston then boston to dulles airport.. lesson learned, hindi na ako magco connecting flight sa boston airport!! nakakalito..ang gulo ng numbering nila.. dito ko naranasan kung paano maging contestant sa amazing raze pramis... paglabas ko ng terminal from our plane me 1 hour to kill pa dapat to get to the connecting plane.. awa ng juice, asa other side of the airport ang terminal nung connecting flight..naawa siguro ang supervisor ng jet blue, pinasamahan kami dun sa isang staff to the correct gate.. e hanep tumakbo yung gerlah, e di takbo din kami.. kasi mag sesecurity check pa daw, baka maiwan kami ng plane..o di bah, celebrity status agad kasi pinapanuod kami ng mga katauhan.. buti na lang at nag check in kami ng mga bagahe..

pagdating ng dulles airport, mabait naman ang mga lolang nag ma man ng information desk at tinuruan kami kung saan maghihintay ng bus papuntang virginia..

buti na lang na research ko sa internet na dapat exact fare ang dala.. e pucha naman ang bus duon, ang taas ng overhead bin na agayan ng maleta, di ko naman pwde ilagay sa lapag kasi sisikip.negra pa naman ang driver at wiz helpful. so may i step sa seats para lang maibalibag ko ang mga maleta over head. i was hoping na later on e me tutulong sa akin pagkuha ng maleta ko..syempre, wala.. so step sa seats at hila to the max.. lecheng indiano yun, nakatingin lang habang nag aacrobatic ako na abutin ang bagahe ko..

dumating kami ng virginia ng mga 9:30 AM, from the bus station, nilakad namin to get to the hotel..habang hila hila ang aming mga trolley.. e pataas ang daan..hay.. buhay..

napahinga lang ng isang oras at gora na to the train station to go to DC..

buti na lang, mabait yung isang negrong station supervisor sa Arlington,Va. kasi sya nagturo sa amin kung magkano ang dapat i load sa metrocard at kung saan bababa na mga istasyon. saka ko lang nadiskubre kung bakit sya mabait sa amin.. kasi daw ang jowa nya e filipina at kaya daw nya nahulaan na pinoy ako kasi me nunal ako sa mukha? ganun? me epektong ganun si GMA?

so, ang unang stop e sa foggy bottom.. para sa bahay ni obama..







eto ang vicinity






and then, off to the washington monument...at world war ii memorial

hindi ko talaga alam kung bakit me mountain utoy dito..

akala ko malapit lang sa isa't isa ang mga monuments dito.. mali pala, hindi drawn to scale ang mga mapa....walk galore ang beauty ko kaya umitim ako dito sa DC..

reflecting pool nga!

then walk again to Lincoln Memorial



achuli, dulot't dulo ito ng pool..on one end lincoln memorial on the other end washington memorial...bago ako nakarating ng lincoln memorial, ang dami ko pit stop..




after lincoln memorial, di na kineri ng powers ko maglakad to the other side of DC.. kinabukasan na lang.. so may i zoom in na lang ng camera to get these statues

art of war at art of peace daw yun.. which is which.. ma.. its so far...

then i have to find out kung saan ang malapit na train station.. buti na lang at tourist friendly ang state na iyon, ang sabi ni park ranger, walk 8 blocks and when you see I street, turn right you'll see the train station..

e nampucha, ang equivalent ng isang block sa kanila e isang station ng Lrt natin..at saka asa A st. pa lang ako.. kaya pagdating ko sa train station, lawit na dila ko..ang masklap nun, after one station, bumaba na ako..dapat ba nag lakad na lang ako papunta hotel??

the next day adventure, medyo sanay na ako sa train stations at medyo me huwisyo na sa plan of attack kaya medyo organized walking ito...

library of congress kung asan ang US constitution na di pwede picturean

US Supreme Court

Capitol Hill

National Gallery of Arts

Museum of Natural History

Smithsonian Castle


National Museum of American History dito nakadisplay ang mga inagural gowns ng mga first ladies like:

tita hillary

ateng michele obama


andito rin ang kitchen ni julia childs


at ang sapatos ni dorothy
masyadong famous ang safatos na ito, 45 minutes ang pila para lang mapicturean ito..

ngayon ko lang na realize, hindi kami nag lulunch while in DC.. puro pretzel at tubig lang pantawid gutom tapos lafang galore pagdating sa hotel.. kasi naman buffet breakfast din kaya medyo me na istore na energy at para di masayang ang oras...pero in fairness, mainit sa DC while andun kami tapos nung gabi, me bagyo..abnormal na talaga ang weather condition..


after two days sa DC, we took a 4 hour bus ride going to new york.. eto na ang susunod na kwento